منتديات شباب روش



منتديات شباب روش


شاطر|

انا تقرطسيني يا بنت........................................

°•ღ ●mr.Mà7àN
عضو ممــيز
عضو ممــيز
avatar
الجنس : ذكر
عـدد الـمـســاهـمـــات : 44
العمر : 37
بلدك اية : مصـــــــــــــــــــــــر
مزاجك اية النهاردة : coOoL
معاينة صفحة البيانات الشخصي للعضوhttp://www.shababrwesh.net
الأحد يونيو 21, 2009 7:13 am

الجسد نحيل والوجه
كسياه الأحزان
وهدومها قديمه باليه
ودمعتها بتجرى جريان
عطتنى ورقه موصوف
فيها حالها العيان
سكر وضغط وقلب
والقرحه معاهم كمان
وبصوت مجروح قالت
يكفيك شر الحرمان
شهر ماخدت العلاج
لاحن أهل ولا جيران
با الله عليك ياسيدى
بنادى فيك الأنسان
حسنه لله تكف
عنك حر النيران
رق قلبى لحالها
سألتها بكل حنان
اسمك ايه ياست
قالت اسمى احسان
قالتها بذله وكسره
قالتها بلدغة لسان
اتحسست محفظتى اليتيمه
رفيقة الأحزان
وساكنها خمس لحاليح
يخلوا الجسم دفيان
عطيتها كل ما املك
واصبحت خالية الأركان
أخدتهم بلهفه وشوق
ولسانها بيدعى بحرقان
الهى مايمرضلك جته
ولايجعلك با لدنيا عريان
وتاهت وسط الزحام
وأنا بدعاها فرحان
أأمن على دعاها
أمين.. أمين يا حنان
لحد ما فى يوم
أسود من البتنجان
الجيب أفضى من
قلب الكفران با لأيمان
رحت لوسط البلد
أرفه عن حالى التعبان
قلت اتفرج ع الفتارين
وأمتع عينى با لقمصان
أتخيل إنى اشتريتهم
وأعيش فى الوهم أحيان
وجوه محل أشوفها
أى والله ياجدعان
لابسه هدوم أستريتش
وبترقع ب اللبان
مكياج على سنجة عشره
ومنها يفوح البرفان
وهز يا وز وهز
وراحت فلوسك يا غلبان
بره المحل وقفت
زى التعلب الحيران
وقررت أخوض معركه
وجسمى بيغلى غليان
أنا تفرطسينى يا بنت
ماعشتى ولا اليوم ده كان
وهى خارجه من المحل
تتدلع كا لغزلان
حطيت عينى فى عنيها
بتحدى الأسد الجعان
ولا كأنها تعرفنى
عدت بكل اتزان
دخلت عليها بغيظى
وقلت بصوت رنان
انتى مش عارفانى
ولا أ يه يا أ حسان
بصت لى بقرف
من الراس لحد
مداسى التلفان
وبعدت خطوه لورا
تقولش شافت جربان
احسان مين يا استاذ
هو انت سكران
يا ولاد الحلال هيه
والدليل لدغة اللسان
صرخت فيها الخمس
لحاليح ياتلميذة الشيطان
على جثتى .. فلوسى
يا حروح فيكى اللومان
وفجاه نادى صوت
كأنه فحيح تعبان
ياله خلصى بسرعه
معندناش وقت يا احسان
برقتلى بعنيها
حتى افتكرتها شيطان
وصرخت بصوت عالى
بتقول أيه يا فلتان
أنا ست شريفه
ما ليش فى العوجان
مش مكسوف من نفسك
ياراجل يا خرفان
ا لحقونى يا أهل النخوه
من الديب السعران
الف عين وعين
خرجت منها النيران
الكل عايز يجامل
ويفرغ همه الغضبان
بدون سؤال ولا معرفة
مين الغلطان
تقولش فرح والنقوط
ضرب وامتهان
من رعبى ياساده
اتشل فيه اللسان
جريت زى الحمامه
قول طرت طيران
الطياره النفاثه جنبى
نمله ماشيه ببستان
وأ نا بشتم جدو د
عقلى الخربان
وكل ما اسمع صوت
ورايا ازود
بنزين الجريان
ولا زلت لحد دلوقتى
بجرى منك يا أنسان
الله لايسامحك يابنت
المجنونه يا أحسان
ابراهيم
~[ جـامد اخـر حـاجـه ]~
avatar
الجنس : ذكر
عـدد الـمـســاهـمـــات : 102
العمر : 24
بلدك اية : فلسطين
معاينة صفحة البيانات الشخصي للعضوhttp://7bebersoly.ahlamontada.com/index.htm
الأحد يونيو 21, 2009 7:30 pm

حلوه شكرا
°•ღ ●mr.Mà7àN
عضو ممــيز
عضو ممــيز
avatar
الجنس : ذكر
عـدد الـمـســاهـمـــات : 44
العمر : 37
بلدك اية : مصـــــــــــــــــــــــر
مزاجك اية النهاردة : coOoL
معاينة صفحة البيانات الشخصي للعضوhttp://www.shababrwesh.net
الثلاثاء سبتمبر 15, 2009 1:38 pm

شكرا لمرورك



خدها كلمة واسمعها منى لو غبت عنى مش هجرى وراك
خدت عمرى طولت صبرى وانا جبت اخرى خلاص وياك
جيت مجتش انا هنسى وامشى وهقول ملكش فى هوايا نصيب
جيت مجتش انا هنسى وامشى وهقول يا دوب دة انت كنت حبيب

انا تقرطسيني يا بنت........................................

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1
صلاحيات هذا المنتدى:لاتستطيع الرد على المواضيع في هذا المنتدى
منتديات شباب روش  :: القسم العام General Section l :: الكوفى شوب CoFFee Shop l-

منتديات شباب روش

↑ Grab this Headline Animator